唔戴安全套性行為 女方都會主動提出?

團體「關懷愛滋」,平均每年接觸1,200名高風險青少年,他們曾在沒使用安全套下進行陰道交或肛交性行為。項目經理何冠雄形容,一般青年聽到「愛滋」二字,就如聽到「太空船上月球」,認為與自己距離甚遠︰「即使唔用套都仲覺得自己無機會感染」。

何冠雄曾接觸一名感染衣原體的14歲少女︰「佢知道要用套,但唔識點同男朋友say no,怕原本可以唔用,再拒絕就好怪」。少女經他們陪同往政府轄下的社會衞生科求診,服藥一周已康復。

不過,並非所有不安全性行為都是男生做主動,何冠雄指「女仔都可能懷疑點解要用,係咪唔再鍾意我?定係出面有另一個?」而由男生提出不戴套的主要原因,「係因為(身邊)無,又唔敢去買」。何冠雄補充,未來會在高危地點如酒吧等派發包裝新潮不顯眼的安全套,方便男女一套傍身。

至於關懷愛滋政策及傳訊總監林智聰就直指,青少年的錯誤性觀念,主要源於本港性教育不足︰「最update嗰份指引係1997年。有學校直頭唔提安全套、拍拖,禁慾式性教育完全唔切合香港情況」。

 
 
您目前位置:Home 資訊天地 唔戴安全套性行為 女方都會主動提出?